«Հայկական օր» խորագրով միջոցառում Դուբայի «Global Business Studies» ուսումնական հաստատությունում

19 նոյեմբերի, 2024

Նոյեմբերի 14-ին Դուբայի «Global Business Studies» ուսումնական հաստատությունում տեղի ունեցավ «Հայկական օր» խորագրով միջոցառումը, որը կազմակերպվել էր տեղի հայ ուսանողների կողմից, հաստատության տնօրեն դոկտոր Մոհամեդ Բամատրաֆի աջակցությամբ և Դուբայում Հայաստանի Հանրապետության գլխավոր հյուպատոսության հովանու ներքո: Միջոցառման պատվավոր հյուրերի շարքում էին դոկտոր Ֆադիլա Աբդուլլահ Ալ Մուաինին (ԱՄԷ լրագրողների ասոցիացիայի նախագահ), Այման Մուսաբհան (ԱՄԷ նշանավոր հեռուստահաղորդավար), դոկտոր Մահմուդը և Մոհամեդ Սալեմը (Sohail-ի գործընկեր/Լրագրողների ասոցիացիա), դոկտոր Փարիսա Շահվերդին (ԱՄԷ-ի բիզնեսի զարգացման խորհուրդ G100 կանանց համար), ինչպես նաև կրթօջախի ղեկավար կազմը և ուսանողներ տարբեր երկրներից:

Ուսանողները հյուրերին ներկայացրեցին հայ ժողովրդի պատմությունը և հարուստ մշակութային ժառանգությունը, խոսվեց հայկական ավանդույթների, արվեստի, գրականության, երաժշտության, պարի և սպորտի մասին, հյուրերին մատուցվեցին ավանդական հայկական ուտեստներ:

Շնորհակալություն հայտնելով միջոցառման կազմակերպիչներին Հայաստանը իրենց կրթօջախում և տարածաշրջանի հասարակությանը ներկայացնելու համար, Գլխավոր հյուպատոս Արտակ Ավետիսյանն ընդգծեց, որ անհրաժեշտ է օգտագործել բոլոր հնարավորությունները, որոնք ուղղված են միմյանց մասին առավելագույնն իմանալուն, ինչպես նաև մարդկային շփումների խորացմանն ու մեր երկրների միջև բարեկամության ամրապնդմանը։

Տարբեր ազգության ուսանողների, ծնողների և կրթօջախի ղեկավար անձնակազմի մասնակցությամբ այս միջոցառումը միասնության և մշակութային գնահատանքի իսկական վկայությունն էր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր