Fictional Landscapes գեղարվեստական ցուցահանդես

13 նոյեմբերի, 2024

Գեղարվեստական ցուցահանդես, 2024 թվականի նոյեմբերի 9-ից դեկտեմբերի 15-ը Դուբայ

Ս․թ․ նոյեմբերի 9-ին Դուբայում ՀՀ գլխավոր հյուպատոս Արտակ Ավետիսյանը ներկա գտնվեց Դուբայի Foundry Gallery-ում բացված «Fictional Landscapes» ցուցահանդեսին և հնարավորություն ունեցավ ծանոթանալու ցուցասրահում ներկայացված հայ նկարիչների ստեղծագործություններին: Ցուցահանդեսը համախմբել էր 28 կին արվեստագետների ամբողջ աշխարհից՝ ներկայացնելով ճանաչված ստեղծագործություններ ԱՄԷ-ից, Ռուսաստանից, Իրանից, Հայաստանից, Հնդկաստանից և այլուր:

Բացահայտելով հայ գեղարվեստի տաղանդներին՝ ցուցահանդեսը ներկայացնում էր Մարի Բադալյանի, Մարիամ Աշկանյանի, Լիզա Օլշանսկայի, Լիլիա Լի Մի Յանի և Օլիա Բրևայի աշխատանքները, որոնցից յուրաքանչյուրն ունի մշակութային ուրույն հեռանկարներ:

Միջոցառման շրջանակներում նոյեմբերի 11-ին հայ գեղանկարիչ, արվեստաբան Արա Հայթայանը ոգեշնչող դասախոսություն կարդաց «Հայաստանի արվեստը անցյալի հետքերի և ժամանակակից պատմվածքների միջև և Երկխոսություն Մերձավոր Արևելքի հետ» թեմաներով։ Ունկնդիրներին ներկայացվեց հայ արվեստի պատմության ուղին՝ հնագույն ներազդեցություններից մինչև ժամանակակից գեղարվեստի արտահայտչությունը:

Հատուկ շեշտադրում արվեց 20-րդ և 21-րդ դարերում հայկական կերպարվեստի անցած ճանապարհին, Սփյուռք - Հայաստան փոխազդեցությանը՝ մեծարելով նշանավոր արվեստագետներին, ովքեր օգնել են ձևավորել հայկական արվեստի եզակի ինքնությունը համաշխարհային կերպարվեստի համապատկերում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր