Հանդիպում Շարժայի Խորհրդատվական խորհրդում

28 նոյեմբերի, 2024

2024 թ. նոյեմբերի 28-ին Դուբայում և Հյուսիսային Էմիրություններում ՀՀ գլխավոր հյուպատոս Արտակ Ավետիսյանը հանդիպում ունեցավ Շարժայի Էմիրության Խորհրդատվական խորհրդի նախագահ, դոկտոր Աբդուլլա Բելհայիֆ Ալ Նուայիմիի հետ։

Ողջույնի խոսքում գլխավոր հյուպատոսը բարձր գնահատեց Հայաստանի և Շարժայի միջև ձևավորված բարեկամական ու փոխադարձ հարգանքի վրա հիմնված հարաբերությունները՝ ընդգծելով համագործակցության խորացման և ընդհանուր շահերի ընդլայնման կարևորությունը։

Հանդիպման ընթացքում կողմերը քննարկեցին երկկողմ հարաբերությունների զարգացման հեռանկարները՝ առանձնահատուկ ուշադրություն դարձնելով կրթության և գիտության ոլորտներում համագործակցության խորացման հնարավորություններին, ինչպես նաև զբոսաշրջության, շրջակա միջավայրի պահպանության և ներդրումների ոլորտներում փոխգործակցության ակտիվացման ուղիները։

Գլխավոր հյուպատոսը ներկայացրեց նաև «Երևանյան երկխոսություն» միջազգային համաժողովը և հրավիրեց դոկտոր Աբդուլլա Բելհայիֆ Ալ Նուայիմի մասնակցելու երկրորդ համաժողովին:

Հանդիպումն ավարտվեց նիստերի դահլիճ շրջայցով և խորհրդի անդամների հետ ծանոթությունով:

Տեղական մի քանի պարբերականներ նույնպես անդրադարձել են Շարժայի խորհրդատվական խորհրդի նախագահ Աբդուլլահ Բելհաիֆ Ալ Նուաիմի և Դուբայում ՀՀ գլխավոր հյուպատոս Արտակ Ավետիսյանի հանդիպմանը։

https://nasnews.ae/?p=57922

https://www.wam.ae/a/b6kls7y

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր